IZENBURUA: Instalazioa
DESKRIBAPENA: Jakin banaketaren instalazio gida
BERTSIOA: 0.1

INSTALAZIOA

Ongi da. 90 mega inguruko fitxategi bat banaketa bihurtu nahi dugu. Nondik hasi? zer behar dugu? galdera horien dokumentu honetan topatuko dute erantzuna.

1. Banaketaren beharrak
2. Jakin gure linuxaren gainean
3. Jakin-en instalazio finkoa
4. Hitz batzuk GRUB-i buruz

1. Banaketaren beharrak

   Jakin banakek kaleratu duen lehen bertsioak Pentium2tik gorako prozesadorea ezinbestekoa du.

   Diska gogorreko espazioa 500 megakoa izan beharko du, 90 mega banaketa konprimiturako eta gainontzekoa banaketa deskonprimitzen denean.

   Memoria aldetik gutxi beharko du, 64 megakin probatu da baina ziur aski 32kin nahiko dauka "ibiltzeko". Dena den, garapena egiten bada zenbat eta ram gehiago eduki hobeto. Beste horrenbeste gertatzen da prozesadorearekin, konpilazio abiadura hobetu baitugu.

   Bestelako txartelek (vga, sarea, soinua) ez dute printzipioz inolako behar edo interesik, banaketa garapenerako bideratuta baitago. Dena den ethernet sare txartel bat edukitzea egokia litzateke distribuzioa garatzeko.

   
   
2. Jakin Gure linuxaren gainean

   Jakin banaketa probatzeko moduri erosoena gure linux sistema baten gainean instalatzea da. Ez dugu inongo partiziorik edo estropuzorik egin beharko; Jakin garatzeko modu egokia da hauxe.

   Goazen pausoz-pauso:

   1).Jeitsi ezazu jakin banaketaren bz2-a. Horretarako lynx hala wget bezalako programa erabil ditzakezu. Honaino ongi? Hemendik aurrera root bezala lan egin.
   2) Bi pausutan deskonprimitzea gomendatzen dugu:
   

   linux# bzip2 -d jakin_os-0.1.i386.tar.bz2 linux# tar xfp jakin_os-0.1.i386.tar

   3) Azken aginduak jakin/ izeneko direktorioa sortuko du. 400 mega inguruko direktorioa da. Jakin erabiltzen hasteko chroot exekutatu. Honek, linux-eko root edo sustrai hierarkia aldatzen du, guk esaten diogun lekura; kasu honetan Jakin banaketaren root-era pasako gara
   
   

   linux# chroot jakin/ -bash-2.0#

   4) Kitto! Jakin erabil dezakegu. Hortik aurrera exekutatzen ditugun agindu guztiak Jakin-eko bitarrak dira. zenbait aginduk ez dute behar bezala funtzionatuko proc/ fitxategi sistema falta delako. Momentuan montatu daiteke:

   -bash-2.0# mount /proc proc -t proc

   
   
   
   
   
3. Jakin-en instalazio finkoa

   Bueno, aurreko instalazioa probatu ostean instalazio finko bat egiteko asmoa daukagu. 400 edo 500 megako disko gogor espazioa beharko dugu. Partizio berezia hala disko osoa izatea berdin da. Demagun partizio berria dela (Instalazioa ez da asko aldatzen) /dev/hda2

   Goazen pausoz-pauso:
   
   1) fdisk bitartez partizio berria sortu. Linux motakoa izan behar du. Swap partizio bat ere presta daiteke (32 mega edo nahi den tamainarekin, funtzionatzeko ez da ezinbestekoa), 82 motarekin identifikatzen da fdisk partizioa egiten denean.
   
   2) Partizio huts berrian fitxategi sistema sortu (ext2 ala ext3) eta swap partizioa ere sortu

   linux# mkfs /dev/hda2 linux# mkswap /dev/hda3

   3) Sortu berri den partizioa montatu nonbait

   linux# mkdir /mnt/jakin linux# mount /dev/hda2 /mnt/jakin -t ext2

   
   4) Eta orain egin dezagun astakeria. Jakin-en edukia partizioan kopiatu. Modu ezberdinetan egin daiteke. Demagun dagoeneko deskonprimituta daukagula. Horrela kopia daiteke (baimenak mantenduko dira):

   linux# cp -rfp jakin/* /mnt/jakin

   
   5) Orain jakin-en /etc/fstab edita ezazu. Bertan dauden partizioak zure egoerara egoki itzazu. Defektuz bi partizio dituela suposatzen du Jakin-ek: root partizioa eta swap partizioa.

   linux# vi /mnt/jakin/etc/fstab

   
   6) sync agindua exekutatu. edukin guztia kopiatu dela ziurtatuko digu

   linux# sync

   
   7) Funtzionatuko al du? lehen probatxo bat egin daiteke, chroot erabiliz.mount bezalako aginduak funtzionatzen badute ongi goaz.

   linux# chroot /mnt/jakin

   
   6) sync agindua exekutatu. edukin guztia kopiatu dela ziurtatuko digu

   linux# sync

   
   
   

4. Hitz batzuk GRUB-i buruz
   

   GRUB sistema eragileen kargatzaile programa da. GRUB bitartez diska gogorren lehen sektoreetan nahi ditugun aukerak ezar ditzakegu. LILO (LInux LOader) programaren funtzio berbera dauka, baina GRUB askoz landuagoa da; shell berezia dauka aginduak sartzeko, eta printzipioz lana errezten saiatzen da.

   
   Saiatzen da esan behar dugu zeren hasiera batean zail xamarra ematen du. Nola esaten zaio diska gogor bati zer egin behar duen edo zer aukera eman behar dituen? Kasu xinple bat ikusiko dugu. Linux bat /dev/hda1 partizioan daukagu eta arrankea ezarri nahi diogu. Nola egiten da hau? grub exekutatu eta hau sartu behar da:
   

   linux# grub grub> root (hd0,0) grub> kernel=/boot/kernel-2.6.4.img root=/dev/hda1 ro grub> setup (hd0) grub> exit

   
   ah... zer demontre egin dugu grub sesio honetan?
   Diska gogorrari root partizioa zein den adierazi diogu eta nahi dugun kernela erabiltzeko esan diogu. Nola ulertu behar dira zenbakiak ? zer dira hd0 eta (hd0,0)?
   
   hd0 = /dev/hda eta (hd0,0) = hda1
   hd1 = /dev/hdb eta adibidez (hd1,2) = hdb3
   hd2 = /dev/hdc eta adibidez (hd2,1 = hdc2)
   ...
   beste modu xinple batean egin daiteke (automatikoki):
   

   linux# grub-install /dev/hda

   
   Baina aukera bat baino gehiago nahi izanez gero, eskuz egin beharko dugu. Komenigarria da ere GRUB diskette bat eskuragarri eukitzea. Bestela dd aginduekin sor daiteke honelaxe (sartu diskettia hi!):
   

   linux# dd if=/boot/grub/stage1 of=/dev/fd0 bs=512 count=1 linux# dd if=/boot/grub/stage2 of=/dev/fd0 bs=512 seek=1

   
   Orain diskette horrekin arranka dezakezu. GRUBaren shell-a aterako da eta zure diskoaren (edo diskoen) konfigurazioa ezarri, berreskuratu ala aldatu ahal izango duzu.